Tahiah kepada Negori 9 . Monang Pialo Malaysia dongan skor 3 - 1.
61 tahun menunggu untuk monang Piala Malaysia. 3 kali cubo kali ni dapek..
Memang hebat. Tapi Den malam tadi tak dapek tengok abih. Apo tak eh...poi makan kek Raja Ayam Penyet dopan Arif Hotel, Kuching. Ado skrin bosar kek situ. Lopeh duduk mintak order den pun kushuk tengok bola yang baru nak start.
Walaupun suaro tak dongar, gambar cantik torang dan joleh. Tapi memang siul tokey atau sapo yang pogang remote control malam tadi...tongah sodap tengok bola, maso tu N9 dah score sebijik, tetibo ado kutu tukar rancangan ke 'Sehati Berdansa'!
Eden punyo hangin...tapi tak di apik eh doh! Ado lagi duo tigo oghang komplen tapi tak jugak di apik dek kutu tu. Majoriti oghang yang makan kek situ pulak tak kesah. Suko lagi tengok oghang berjoget. Jantan dayus yang suko dan biarkan satu dunio tengok aurat bini dio terlentok-lentok menari!
Patutlah bola sepak Sarawak hancus. Pado tengok bola ghamai yang lobih suko tengok oghang berdansa!!. Den bayar makan cabut poi tompek lain. Ayam Penyet dio memang sodap tapi elok buang yolah skrin bosar tu! Elok oghang tengok bola tunjuk pesta maksiat 'mari berdansa'. Hampeh!!
.
.
No comments:
Post a Comment